Artistas de Ourense: Conferencia na Sala Valente do Concello de Ourense sobre a arte da contorna.

Outra vez, a fundación Cum Laude convocoume para falar sobre arte. Este ano 2024 impartín unha conferencia sobre as nosas persoas dedicadas á filosofía visual. Tituleina: Ourense hoxe- Artistas Actuais da e na provincia de Ourense.

Cando publiquei neste blog a conferencia do ano 2023 sobre Paula Rego, indiquei que para o ano seguinte falaría de outra artista muller. O que non sabía daquela e que íame embarcar nunha investigación tola sobre artistas de Ourense. Así que cambiei o rumbo das conferencias coa Cum Laude e comecei a amosar o que estou argallando.

O meu obxectivo e crear un arquivo común cos artistas vivos da provincia, xerar sinerxías e medrar en comunidade. A persoas artistas sempre crearon comunidade e non debemos perder ese modus operandi. Sería un erro. De feito, o individualismo actual estanos levando por camiños de pouca tolerancia e moito descoñecemento.

Xuntas podemos mudar as cousas.

Ourense merece moito mais do que agora ten.

Espero sinceramente que para a miña próxima conferencia, no 2025, podamos festexar que o noso museo municipal reabriu, que a universidade popular está de volta e que o espazo Lusquiños volver aloxar ás bandas xoves da cidade.

Ourense, terra da chispa artística.