“Las Certezas del Sol”, un fragmento dun poema de Emily Dickinson, é o último libro publicado por Frenética – Laboratorio de Arte e Edición.

Trátase dunha recompilación de textos da elocuente poeta, coa interpretación artística da artista Marita Carmona.

Emily Dickinson é, sen dúbida, un dos prodixios máis sublimes no que se refire á poesía occidental.

A artista e galerista galega Marita Carmona sábeo desde hai tempo e por iso leva meses traballando arreo para levar a bo porto este gran proxecto.

O vindeiro 19 de decembro, xoves, terá lugar a presentación en A Coruña desta ansiada publicación que correrá a cargo do Galgo Azul, librería.

A propia artista e Olga Pastor Alvarado, editora de Frenética Lab e agardamos que estean presentes todas as persoas amantes da poesía e da arte que están en A Coruña.

Teremos a oportunidade de ver en directo a obra orixinal de Marita Carmona. Os debuxos que se crearon especificamente para esta publicación.

Ademais, agardamos que a xente máis atrevida se achegue con nós a recitar algún dos poemas do recompilatorio.

É un libro-obxecto; Unha obra de arte perfecta para regalar ou regalarse.

Unha peza de coleccionista do que só se publicaron 500 exemplares.

Non perdas “Las Certezas del Sol”