- Este evento ha pasado.
Visita á exposición: Escoitar cos ollos
27/05/2023 - 12:00 - 13:00
“Escoitar cos ollos”
Seguimos a celebrar o ANO CULTURAL en honra á Universidade Popular de Ourense neste 2023 en colaboración co Liceo de Ourense.
Por esa razón, agora, tócanos introducirnos nun mundo apaixonante, o punto onde a Ciencia e a Arte atopan un nexo en común.
Presentámosvos unha nova actividade moi interesante.
En colaboración co Ateneo de Ourense e Arte Espida, convidámosvos á visita interpretativa, que terá lugar o vindeiro sábado día 27 de maio, ás 12h, no Centro Cultural Marcos Valcárcel en Ourense:
“O Universo Descoñecido da Mente Humana”
Desciframos a exposición: Escoitar cos Ollos. Arte e Loucura.”
Mergullarémonos no proxecto Arte Espida, levado a cabo nos hospitais de Toén e Piñor, na complexidade da mente humana, desde a psicoloxía e a psiquiatría e a Arte como medio de comunicación e expresión desde estados singulares da persoa e a mente.
Da man da comisaria da exposición Marta García (historiadora da arte e psicóloga) e Olga Pastor (tamén historiadora da arte e ademais ex-profesora de arte actual da UPO).
Agardamos que vai ser unha actividade moi diferente e onde a Ciencia e a Medicina, neste caso, daranos as claves para comprender como funciona a nosa mente e a nosa percepción. Ademais, como non, falaremos do vínculo tan próximo que teñen coa Arte.
Ata o vindeiro sábado ás 12h no Marcos Valcárcel.
Tod@s convidad@s!